લાગણીઓને શબ્દો દ્વારા નીરખવા આપનું સ્વાગત છે..

Archive for the ‘Page is Copy Protected.’ Category

પ્રેમ તો તારો…

પ્રેમ તો તારો વડવાનલ જેવો,
ચારેકોર ઠંડો ને ભીતરે અગ્નિ જેવો.

પ્રેમ તો તારો રણદ્વીપ જેવો,
અફાટ રણમાં મીઠી વીરડી જેવો.

પ્રેમ તો તારો મૂંગા નાં બોલ જેવો,
માત્ર અધરની ભાષા સમજે એવો.

પ્રેમ તો તારો સરસ્વતી જેવો,
ધરાની પેટાળે ધસમસ વહે તેવો.

પ્રેમ તો તારો દધીચિ જેવો,
મારા કાજે જીવ અર્પે તેવો.

શૈલ્ય
(૧૨-૧૦-૨૦૦૯) રાત્રે ૧૧.૪૦ વાગ્યે..

(વડવાનલ = સમુદ્રમાં લાગતી આગ )
(સરસ્વતી = પુરાણોમાં વર્ણવેલી એક નદી જે જમીનની નીચે વહે છે)
(દધીચિ = એ ઋષિ જેમણે વજ્ર બનાવવા માટે પોતાના હાડકાનું દાન ઇન્દ્ર ને કર્યું હતું.)

સ્પર્શ..

તારા સ્પર્શે ધોમધખતો તડકો નમણી સંધ્યામાં શમી ગયો,
એ જ સ્પર્શની આશે તડકો બની હું જીવન આખું જીવી ગયો.

શૈલ્ય.
(૧૦-૧૦-૨૦૦૯) ૧૧.૦૦ વાગ્યે ..